FuJian Medical University

Fujian Tibbiyot Universiteti (Fujian Medical University) haqida insho

Fujian Tibbiyot Universiteti – Xitoy janubi-sharqida joylashgan, tibbiyot sohasida yetakchi oliy o‘quv yurtlaridan biridir. Ushbu universitet 1937-yilda tashkil topgan bo'lib, Fujian provinsiyasining poytaxti Fuzhou shahrida joylashgan. Universitet Xitoydagi eng qadimiy va nufuzli unversitetlardan biri sifatida e'tirof etiladi.

Fujian Medical University zamonaviy ilmiy tadqiqotlar, klinik tajriba va xalqaro hamkorlikni birlashtirgan holda, talabalarga yuqori darajadagi tibbiy bilimlar va amaliy ko‘nikmalarni taqdim etadi. Bugungi kunda universitetda 20 mingdan ortiq talaba tahsil olmoqda, ular orasida yuzlab chet ellik talabalar, ayrim O'zbekistonlik yoshlar ham bor.

Universitet quyidagi asosiy yo‘nalishlar bo‘yicha ta’lim beradi: umumiy tibbiyot, stomatologiya, farmatsiya, hamshiralik ishi va xalq tabobati. Tibbiyot fakulteti bilan bir qatorda universitetda o'ziga xos laboratoriyalar, ilmiy markazlar va klinik bazalar mavjud. Universitetga qarashli kasalxonalar esa amaliyotga oid bilimlarni to‘liq egallash imkonini beradi.

Fujian Medical University o'zining xalqaro aloqalariga katta e'tibor qaratadi. U ko‘plab davlatlardagi universitetlar bilan hamkorlik qilgan, talabalar va professor-o‘qituvchilar almashinuv dasturlarini yo‘lga qo‘ygan. Bu esa chet ellik talabalarga mos muhit yaratilishiga xizmat qiladi.